Activity Overview
१३ दिने सभापोखरी तीर्थयात्रा
पूर्वी नेपालको सभापोखरी तीर्थयात्रा १३ दिने धार्मिक र साहसिक यात्रा हो। समुद्री सतहदेखि ४,२०० मिटर उचाइमा अवस्थित यो ताललाई इच्छापूर्ति गर्ने पवित्र स्थल मानिन्छ। द्वापर युगमा व्यास ऋषिले ८,८०० ऋषिहरूको सभा गरेर धर्मका बारेमा उपदेश दिएका थिए भन्ने विश्वास छ।
हरेक वर्ष नागपञ्चमीदेखि जनैपूर्णिमासम्म (साउन १६–३०) यहाँ ठूलो मेला लाग्छ। नवविवाहित जोडीहरू पनि संतान प्राप्तिको कामना लिएर स्नान गर्न यहाँ आउँछन्।
ट्रेक खाँदबारीबाट सुरु हुन्छ। बाराबिससम्म जीपमा पुगेर फाकुवा, सेलेले, धर्मद्वार हुँदै सभापोखरी पुगिन्छ। बाटोमा मकालु र कञ्चनजंघाको सुन्दर दृश्य देख्न पाइन्छ।
यात्रा दुर्गम भएकाले टेन्ट, खाना र इन्धन आफै बोक्नुपर्छ।
मुख्य आकर्षणहरू:
- पवित्र सभापोखरी जहाँ इच्छापूर्ति हुने विश्वास
- पुरातात्विक र पौराणिक महत्व
- हरियाली, ताल, पहाडले भरिपूर्ण प्राकृतिक दृश्य
- मकालु र कञ्चनजंघाको हिमाल अवलोकन
- शान्त, एकान्त र अनकन्टार यात्रा मार्ग
Itinerary
पहिलो दिन: खाँदबारी (१,०३६ मि)
तुम्लिङटार झरेपछि २० मिनेटको जिप चढेर खाँदबारी पुग्नुहोस्। शहर घुम्नुहोस्, सामान जुटाउनुहोस् र होटलमा रात बिताउनुहोस्। धरानबाट ६ घण्टा बसमा पनि आउन सकिन्छ।
दोस्रो दिन: खाँदबारीदेखि बाराबिसे
२ घण्टा जिप यात्रा गरी बाराबिसे पुग्नुहोस्। होटलमा बास, गाइड/पोर्टर खोज्ने र तयारी गर्ने।
तेस्रो दिन: बाराबिसेदेखि फाकुवा (१,६९६ मि)
बिहानै हिँड्ने। सजिलो ट्रेक। दिउँसो फाकुवा पुगेर टेहाउसमा बास।
चौथो दिन: फाकुवादेखि माथिल्लो हान्दुङ (२,८४७ मि)
४–६ घण्टा उकालो ट्रेक। ड्राइ खाना बोक्नुस्। झुपडीमा सुत्नुस्।
पाँचौं दिन: हान्दुङदेखि फेलेले (३,७०९ मि)
कठिन र उकालो बाटो। कोएल्ट्रो भीर र बिखबारी पार गरी झुपडीमा बास। पानी बोक्नुस्।
छैठौं दिन: फेलेलेदेखि सभापोखरी (४,२०० मि)
७ घण्टा ट्रेक। बालौटे डाँडा र सेलेले पार गरेर सभापोखरी पुग्ने। झुपडी सफा गरी बास।
सातौं दिन: सभापोखरी विश्राम
ताल घुम्ने, स्नान गर्ने, पूजा गर्ने। झुपडीमै बास।
आठौं दिन: सभापोखरीदेखि पाँचपोखरी
५–६ घण्टा ट्रेक गर्दै पाँचपोखरी पुग्ने। बास त्यहीँ।
नवौं दिन: पाँचपोखरीदेखि आनाम्दे डाँडा
बिहानै हिँड्ने। आनाम्दे डाँडा पुगेर टेन्टमा बास।
दसौं दिन: आनाम्दे डाँडाबाट माङ्सिमा
४–६ घण्टा ओरालो हिँडेर माङ्सिमा पुग्ने। होमस्टेमा बास।
एघारौं दिन: माङ्सिमा – देउराली – खाँदबारी
४–६ घण्टा हिँडेर देउराली पुग्ने। त्यहाँबाट जिपमा खाँदबारी फर्किने।
बाह्रौं दिन: याङ्ले खर्कादेखि डोबाटो
४–६ घण्टा हिँडेर डोबाटो पुग्ने। टेहाउसमा बास।
तेह्रौं दिन: काठमाडौं वा धरान फर्कने
तुम्लिङटारबाट काठमाडौं उडान वा धरानसम्म बस यात्रा।