यस पालिकामा वसोवास गर्ने नागरिकहरुको मुख्य पेशा कृषि भएतापनि नोकरी, उद्योग, व्यवसाय, ज्यालादारी, वैदेशिक रोजगारी र गृहणीमा आवद्धता जनसंख्या क्रमशः वृद्धि भइरहेको पाइन्छ । तथ्यांकको आधारमा आर्थिक रुपमा सकृय जनसंख्या मध्ये कृषिमा करीव ४३४ प्रतिशत, नोकरीमा ५.६६ प्रतिशत (१९६८ जना) उद्योग तथा व्यापारमा १९१८ जना (५.५२ प्रतिशत), ज्याला मजदुरीमा १९७६ (५.६९ प्रतिशत) आवद्धता रहेको छ ।
खाद्यन्न उत्पादनको हिसावले अन्नवाली धान, मकै कोदो), दलहन । मास, मुसुरो र तेलहन (तोरी) उत्पादन हुने गरेको छ । करीव ७ हजार मे. टन खाद्यान्न उत्पादन हुने तथ्याङक पालिकामा उपलब्ध छ । त्यसैगरी पालिका क्षेत्रभित्र वडा नम्बर ४ मा अदुवाको ब्लक क्षेत्र र वडा नम्बर २ मा अलैचीको ब्लक क्षेत्र सञ्चालनमा रहेको छ ।
नगरपालिका पार्श्वचित्र २०७६ अनुसार २१६९ घरपरिवारलाई ३ महिना वा सो भन्दा कम समयसम्म आफ्नै उत्पादनले खान पुग्ने अभिलेख छ भने १००९ घर परिवारलाई ४-६ महिना सम्म र १०१३ घरपरिवारलाई ७-९ महिना सम्म १४५२ घरपरिवाललाई ९-१२ महिना सम्म र १२ महिना भन्दा वढी समय सम्म खानपुग्ने घर परिवार संख्या ११८२ अर्थात १५.९६ प्रतिशत रहेको छ । यस हिसावबाट करीव २९.२९ प्रतिशत घरपरिवार ३ महिना र १३.६२ प्रतिशत घरपरिवार ६ महिना सम्म कृषिमा आत्मनिर्भरता पाइन्छ ।
त्यसैगरी आय तर्फ वार्षिक रु.५० हजार भन्दा कम आम्दानी गर्ने घरपरिवार संख्या ५७९ अर्थात कूल घरधुरी संख्याको करीव ७.८२ प्रतिशत छ भने रु. १ लाख ५० हजार सम्म वार्षिक आय गर्ने घरधुरी संख्या १७५४ अर्थात २३.६८ प्रतिशत र रु. २ लाख ५० हजार सम्म वार्षिक आय गर्नेहरुको संख्या १५५४ अर्थात कूल घरधुरीको २०.८६ प्रतिशत छ । यसैगरी वार्षिक रु.५ लाख सम्म र सो भन्दा वढी आय गर्ने घरपरिवार संख्या क्रमशः २२३१ (३०.१२%) र १२९७ (१७.५१%) छ । यस सम्वन्धी विस्तृत विवरण ग्राफचित्रमा उल्लेख गरिएको छ ।
नगरपालिकाको पार्श्वचित्र २०७६ अनुसार आर्थिक रुपमा सकृय जनसंख्याको १८०८ जना अर्थात करीव ५.२० प्रतिशत वैदेशिक रोजगारीमा रहेको छ । युवाहरुको रोजाइका प्रमुख गन्तव्यहरुमा मलेसिया, खाँडी मुलुक, दक्षिण कोरिया, जापान, अमेरीका, यूरोप, अष्ट्रेलिया लगायत भारत र अन्य मुलुकहरु रहेका छन् भने सवैभन्दा वढी करीव ४१.४८ प्रतिशत खाँडीमुलुक रहेको छ । दोश्रो गन्तव्यको रुपमा मलेसिया पर्दछ जहा संख्यात्मक हिसावले ४३७ जना अर्थात कूल रोजगारी करीव २४.१७ प्रतिशत रहेको छ । दक्षिण कोरिया र भारत पनि अर्को आकर्षक गन्तव्यमा पर्दछ जहा कूल वैदेशिक रोजगारीको क्रमशः ३.३२ र २९३ प्रतिशत जाने गरेको देखिन्छ । यस वाहेक विकसित राष्ट्रहरुमा जापान, अमेरिका, यूरोप र अष्ट्रेलियामा युवाहरु विभिन्न उद्देश्यले पुगेका छन् । उपरोक्त क्षेत्रवाट प्राप्त भएको विप्रेषण तथ्याङ्क यकिन हुन सकेको छैन । प्रतिव्यक्ति रु २५ हजारका दरले वार्षिक विप्रेषण रकम रु ५४ करोड २४ लाख प्राप्त हुन सक्ने अनुमान गर्न सकिन्छ।